29-01-2014
سینٹرل افریقن ریپبلک میں یورپی افواج بھیجنے کی اقوام متحدہ کی اجازت
واشنگٹن (عالمی خبریں نیوز)اقوام متحدہ کی سلامتی کونسل نے بحران زدہ افریقی ملک سینٹرل افریقن ری پبلک کے لئے یورپی یونین کی فوج بھیجنے کی منظوری دے دی ہے۔واضح رہے کہ سینٹرل افریقن ری پبلک میں پہلے ہی فرانس کے ایک ہزار چھ سو فوجی روانہ کئے جاچکے ہیں ۔فرانس کا دعوی ہے کہ اس نے یہ اقدام اس ملک میں امن و امان کے قیام اور مختلف علاقوں میں انسان دوستانہ امداد کی فراہمی میں آسانی پیدا کرنے کی غرض سے کیا ہے۔ فرانس نے 5 دسمبر 2013 کو اقوام متحدہ کی جانب سے ایک قرار داد کی منظوری کے بعد اپنی سابق نو آبادیات پر حملہ کردیا تھا۔سینٹرل افریقن ری پبلک میں حالات اس وقت سے کشیدہ چلے آ رہے ہیں جب مارچ دوہزار تیرہ میں سلکہ جنگجوو ¿ں نے فرانسوا بویزہ کی حکومت کا تختہ الٹ کر میشل جوتو دیا کو اقتدار سپرد کردیا تھا۔ فرانسوا بویزہ بغاوت کے بعد میں فرار ہوگئے تھے۔
No comments:
Post a Comment