29-01-2014
افغان امریکہ سیکیورٹی معاہدہ نہ ہو نے پر ڈرون حملے بند ہونے کا امکان
کابل(عالمی خبریں نیوز)امریکہ اور افغانستان کے درمیان سیکیورٹی معاہدہ طے نہ پانے پر پاکستان کی سرحدوں پر امریکہ کے ڈرون حملے بند ہونے کے امکانات ہیں ۔نیوز ایجنسی رائٹرس کے مطابق کابل واشنگٹن سیکورٹی معاہدے پر افغان حکومت نے اگر دستخط نہ کئے تو افغانستان اور پاکستان میں امریکاکے ڈرون طیاروں کے اڈوں کا خاتمہ ہوسکتا ہے۔ رپورٹ کے مطابق امریکی حکومت نے اعلان کیا ہے کہ سیکورٹی معاہدے پر دستخط کے لئے حامد کرزئی نے جو شرطیں رکھی ہیں ان کے پیش نظر، امریکا 2014کے آخر تک افغانستان سے اپنے تمام فوجیوں کو واپس بلا لے گا اور اس صورت میں امریکا کو افغانستان اور پاکستان میں ڈرون طیاروں کے مراکز کو بھی بند کرنا ہوگا، کیونکہ ان مراکز کے تحفظ کےلئے کوئی فوجی نہیں ہوگا۔
No comments:
Post a Comment